भटकंती, प्रवास @ सुशील राजगोळकर : रोहिडा २६-जून-२०२१ ⛰️🧗🏼‍♂️🚩 ROHIDA 26-Jun-2021

दुपारी किल्लाचा पायथ्याला बाजारवाडी गांवामध्ये असलेल्या काळ्या पाषाणातील पुरातन शिव मंदिरा 🛕 मध्ये नमस्कार केला. व गावातील शाळेपाशी गाडी लावून रोहिडा किल्ला चढायला सुरवात केली. निम्मा किल्ला चडून येताच सुंदर असा सोसाट्याचा गार वारा सुटला होता. रोहिडा किल्ल्याचे बुरुज खूप लांबूनच लक्ष वेधून घेतात. किल्ला चढताना देखील दिसणारे बुरुज मन मोहून घेतात. तसेच डाव्या बाजूला केंजळगड स्पष्ट दिसत होता.आम्ही आधी २ गड केल्या मुळे सावकाश किल्ला चढत होतो.

पुरातन मंदिरातील शिवलिंग - बाजारवाडी

काळ्या पाषाणातील पुरातन मंदिराची आतील बाजू - बाजारवाडी

काळ्या पाषाणातील पुरातन मंदिर व मागे दिसत असलेला रोहिडा किल्ला - बाजारवाडी

रोहिडा किल्ला

पहिल्या दरवाजाला अता छानसा लाकडी दरवाजा बसवलेला आहे. पहिल्या दरवाजा ते दुसऱ्या दरवाजा पर्यंत दगडी पायऱ्या पहायला मिळतात. दुसऱ्या दरवाजातून आत मध्ये येताच उजव्या बाजूला एक पिण्याचा पाण्याचे टाके आहे. ते पाहून आम्ही तेथील वरचा बाजूनी असलेला बुरुजा सारखा भाग पाहून पुढे काही पायऱ्या चालून गेलो. तेथे किल्याचा तिसरा दरवाजा लागला दरवाजा वरती शिलालेख व हत्तीचे शीर पाहायला मिळाले.

रोहिडा किल्लाचा पहिला दरवाजा

रोहिडा किल्लाचा पहिला दरवाजाचा आतील बाजू

रोहिडा किल्लाचा पहिल्या व दुसऱ्या दरवाजा मधील पायऱ्या

रोहिडा किल्लाचा दुसऱ्या दरवाजाचा आतील बाजू

रोहिडा किल्लाचा दुसऱ्या दरवाजा येथील पाण्याचे टाके

रोहिडा किल्लाचा तिसरा दरवाजा

तेथून आत मध्ये शिरताच समोरच असलेले सदरेचे अवशेष पाहायला मिळाले, तेथून डावीकडे दिसत असलेल्या भैरवाचा मंदिरा मध्ये जाऊन दर्शन घेतले. 🛕 मंदिर मध्ये भैरव, भैरवी व गणपती या देवांची मूर्ती तर बाजूलाच असलेले शिवलिंगाला नमस्कार केला. मंदिरा मध्ये उत्खनना मध्ये सापडलेला लहानसा पण वजनदार शिशाचा गोळा ठेवलेला आहे तो उचलून पाहिला. मंदिरा समोर व बाजूला एक तलाव आहे. दुपारचा थंड वारा सुटला होता मग भुक खूप लागल्याने मंदिराचा समोरच बसून दुपारचे जेवण उरकले. मंदिरा जवळून कमळगड व केंजळगड ⛰️ दिसत होते.

रोहिडा किल्ला वरील मंदिरातील भैरव, भैरवी व गणपतीची मूर्ती.

रोहिडा किल्ला वरील मंदिरातील शिवलिंग.

रोहिडा किल्ला वरील मंदिरा शेजारील तलाव

पुढे मंदिराचा बाजूला खूप प्रमाणात असलेले वाड्याचे अवशेष पाहून मंदिराचा मागील बुरुजा कडे गेलो. व तेथून गडाचा पश्चिम दिशेने फेरा मारायला सुरवात केली. पुढे चुन्याचा घाणा पाहिला. थोडे पुढे येताच मोठया प्रमाणात असलेल्या जोड पाण्याचा टाक्या पाहिला. व पुढे असलेला एक बुरुज पाहून फत्ते बुरुज (वाघजाई बुरुज) पाशी येऊन पोहचलो. बुरुजा वरून लांब डोंगर रांगेचा सोंडे वरती असलेले वाघजाई मंदिर दिसते. तेथून माघारी फिरलो. अवशेष, तटबंधी, गुप्त दरवाजा व समोर असलेले २ बुरुज पाहून तिसऱ्या दरवाजा पाशी येऊन पोहचलो. व लगोलग गड उतरायला घेतला. गडाकडे मागे वळून पाहतांना गड हळूहळू धुक्याची चादर घेत आहे असे वाटले.

रोहिडा किल्ला वरील वाड्याचे अवशेष

रोहिडा किल्ला वरील बुरुज

रोहिडा किल्ला वरील चुन्याचा घाणा.

रोहिडा किल्ला वरील पाण्याचे टाके.

रोहिडा किल्ला वरील फत्ते बुरुज (वाघजाई बुरुज)

रोहिडा किल्ला वरील गुप्त दरवाजा

रोहिडा किल्ला वरील बुरुज

रोहिडा किल्ला वरील भैरवाचे मंदिर व त्या समोरील तलाव

रोहिडा किल्ला वरील बुरुज

धुक्यात हरवलेला रोहिडा किल्ला

मग आम्ही ५:०० वाजता बाजारवाडीतून भोर कडे निघालो, भोर मध्ये प्रत्येक वेळी पाहायचा राहिलेला श्रीमंत रघुनाथ शंकरराव पंडित पंतसचिव यांचा भव्य मोठा राजवाडा पाहिला 🏤. पुढे थर्मास मध्ये चहा भरून घेतला व संध्याकाळचा थंड वातावरण मध्ये भोर येथील नेकलेस पॉईंटचा निसर्गा मध्ये बसून चहा☕ पिण्याचा एक सुखद अनुभव घेतला. शूटिंग साठी प्रसिद्ध असलेला हा नेकलेस पॉईंट कित्येक मराठी व काही हिंदी सिनेमा मध्ये आपल्याला पाहायला मिळतो. अशाप्रकारे दोन दिवसाचा आनंददायक भटकंती प्रवास उरकून आम्ही रात्री ०९:०० वाजता घरी येऊन पोहचलो.